EP. La diputada y presidenta del PP en Xixón, Pilar Fernández Pardo, pidió güei soluciones "urxentes" ante los problemes de saturación y de falta de personal del Centru Penitenciariu de Villabona.
Pardo, mediante un comunicáu de prensa, tres aconceyase güei colos sindicatos de la prisión asturiana, reclamó soluciones a la Secretaría d'Asuntos Penitenciarios, dependiente del Ministeriu del Interior, ante los problemes del Centru Penitenciariu de Villabona, espuestos polos delegaos sindicales de los funcionarios y personal llaboral del citáu centru nel conceyu.
Según los representantes sindicales del Centru Penitenciariu de Villabona, ún de los principales problemes ye la saturación del centru, que nesti momentu cuenta con 1.654 persones, cuando la so capacidá real ye de 840 internos. Por mor d'esta saturación, la seguridá de los trabayadores y de los internos vese "amenazada de manera continuada y aumenta la conflictividá".
Según el PP, y los sindicatos, esti problema s'agrava tovía más pola falta de personal del centru, que debería aumentar sobre un 20 por cientu, ye dicir, que se precisen 41 efeutivos más. Amás, acusen a la Secretaría del Estáu d'Asuntos Penitenciarios de "nun dotar al centru del personal interín necesariu pa cubrir esi déficit de plantiya". Los representantes sindicales del centru penitenciariu espunxeron, pero otra parte que l'Alministración nun reconoz como enfermedá profesional la Hepatitis C que sufren cuatro trabayadores del centru, polo que vieron obligaos a dir a los tribunales.
Tres el conceyu calteníu colos representantes sindicales del centru penitenciariu, Fernández Pardo comprometióse a realizar próximamente una visita al mesmu y encamentó a la Secretaría d'Estáu d'Asuntos Penitenciarios a solucionar los graves problemes del centru de Villabona.
Entradas
Humberto Gonzali
El Conseyu asesor de la Llingua del Ayuntamientu de Xixón, que preside el conceyal d'IU Jesús Montes Estrada, tien designao la mayoría de los sos integrantes. La Xunta Gobiernu daba nel so últimu aconceyamientu'l preste a los nomes remitíos poles organizaciones que participen nel Conseyu. D'esa manera, el llistáu de conseyeros inclúi a Julio Ramos (Julia Moreira como suplente) pol PSOE, Humberto Gonzali (Manuel Pecharromán) pol PP, Roberto Colunga (Carmen Rúa) por IU-BA-Los Verdes, Consuelo Vega (María Antonia Pedregal) pol Principáu, Jordán Suárez (Santos Noguerol) pol Conseyu de la Mocedá de Xixón, Urbano Rodríguez (Vicente García Oliva) pola Academia de la Llingua, Isabel Tuñón (Raúl Cachero) pola Federación d'Asociaciones de Vecinos, Xosé M.ª García (Xesús Cañedo) pola Federación «Les Caseríes» de la zona rural, Jorge Espina (Marcos Muñiz) por CC OO, José Luis Llera (Begoña Díaz) por USO, Berto Cabreros (Alonso Martín) por SUATEA, Carmen Moreno (Lucía Roales) pola Unión de Comerciantes y Ricardo Álvarez (Inés Álvarez) pola Asociación d'Hostelería. Súmase tamién Ramón D'Andrés como espertu designáu pola Alcaldía. 
Ante les graves irregularidades na tramitación del plan parcial de Cabuerñes, y tres de la solicitú de reunión per parte de la Plataforma Ciudadana contra'l Muru de Cabueñes, la presidenta del Partíu Popular de Xixón, Pilar Fernández Pardo, mantendrá un aconceyamientu colos sos representantes el viniente 4 de febreru. Fernández Pardo percorrerá, xunto a los responsables de la Plataforma, el perímetru de los terrenos onde l'equipu de gobiernu quier llevar p'alantre esti plan urbanísticu. 
EP. La diputada y presidenta del PP en Xixón, Pilar Fernández Pardo, pidió güei soluciones "urxentes" ante los problemes de saturación y de falta de personal del Centru Penitenciariu de Villabona.
La presidenta del Partíu Popular de Xixon, Pilar Fernández Pardo, entregó ayeri el carné de la formación a nuevos afiliaos. L'actu fízose na sé del PP xixonés, fuerza política que yá suma más de 4.000 afiliaciones nel conceyu.
Dalgo más de 500 persones participaron na manifestación, fecha ayeri en Xixón, pa protestar contra la precariedá llaboral y los despidos nos medios de comunicación. Lleó'l comunicáu oficial el periodista Próspero Morán, y hubo intervenciones de representantes de los trabayadores de Televisión Local Gijón y La Voz de Asturias. El voceru d'esti diariu denunció la intención de convertir a La Voz nun periódicu local uvieín. Hubo una notable presencia de fuerces polítiques, destacando la del Partíu Popular, qu'ente más otres persones taba formada pola so presidenta en Xixón y diputada nacional Pilar Fernández Pardo, la senadora Dorinda García, los conceyales Luis Crego, Pedro Muñiz, Inmaculada Gallart, Gabriel Díaz y Mayte Menéndez, y l'asesor del grupu municipal y presidente del Círculu Lliberal Humberto Gonzali. Per otra parte, resultó bien llamativo que nun asistiera a la convocatoria nengún dirixente del PSOE local.
